الفرق بين باباكى وجوزك

مع بابا.. دخلتى المطبخ ما دخلتيش .. كله واحد وممكن باباكى يساعدك

انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..

لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..

مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى

مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..

مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه .

.وجوزك .. طول الليل تحايلى فيه

باباكى وانتى عيانه .. سهران جنبك طول اليوم

انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى

انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك

انما جوزك .. بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك

انما جوزك .. ها يقولك يادى النكد مع بابا ..

لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص

لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه

لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه

انما الباشا يقولك قومى هاتى ميه

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه

لكن المحروس .. مافيش قدامك غير يا الاخبار يا الكوره .. يا ميلودى

بابا لو نازل مشوار .. بيعمل ليكى اعتبار ويديكى خبر

لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه

لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير

لكن جوزك .. ها يتهمك بالخيانه ..

. لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه

لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك

جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى

لكن جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف

جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله

انما جوزك .. ها يقولك انتى اللى ماشيه مش محترمه

لو مقدمه على شغل ..باباكى.. ها يوصى عليكى طوب الارض

لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض

لكن جوك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر

لكن جوزك.. لو متضايق .. مصر كلها هتنكد عليكي استحملى بقى

هههههههههههههه

ههههههههههههههههه

كلمات بيقولها الشاب للبنت

شوية كلمات من الحب بيقولها الشاب للبنت
فهل ياترى هي كل ما عنده والا هو بيقول نص اللي في قلبه
والنص التاني بيخليه في سره؟؟

انافى بعادك ما بنمش طول اليل
(بس بنام شويه العصر)

ياريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)

اول مره اقول كلمه بحبك لواحده

(وتصدقنى ودا لانك هبله طبعا)

انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)

حنتجوز طبعا يا حبيبتى بس ادينى فرصه 6 شهور

(وبعدها مش هتشوفى وشى)

باحس دايما انى مسئول عنك

(فى الحاجات اللى متكلفش فلوس)

بتبقى حلوة اوى وانتى بتبكى
(بس فاهم دموعك كويس ومش هتجوزك)

انا مستاهلكيش
(وهتكتشفى بعدين الحقيقه دى بنفسك)

ازاى كنت عايش من غيرك قبل كده

(اكيد احسن من دلوقتى وع العموم قربت ارجع اعيش من غيرك تانى)

طول الليل بحلم بيكى
(اللهم احفظنا من الكوابيس)

كلمه منك واقاطع كل الناس
(الا ميمى وسوسو وتوتو و .....)

لما اشوفك يروح مني الكلام وانساه
( من الصدمة )

عنيكي احلى مافيكي

(لما تلبسي نظارة الشمس)

شفايفك زي الفراولة
( بتاعت الصوبات )

تتجوزيني ياحبيبتي
( يارب تقول لا )

واللهـى مـا فـى احــلا من الحريـة

يامصر

- يــــــــا مــــصــــــــر

يا مصر يا أم التوب الأخضرجايه بتتمخطر عل ضفة النيل

و الزمن جاى يخطب ودك و يقول آمين

جايه متحنيه بدم الشهيد و متعصره بعرق الغلابه الشقيانين

مصر يا أغنيه حلوه عايشه جوايا يا كلمه لو مشلتهاش الأرض

أشيلها فى هوايا يا مصر يا أكبر من أحلامى يا أكبر من كل

آمالى يا اكبر من كل شيء حتى جه فى بالى طلى على ولادك

من المشربيه ضميهم بين دراعاتك فجرك يا مصر فى إدين

أولادك فى إيد العامل الى بيشقى فى المصنع فى إيد الطالب

الى إكفى على كتابه لأجل يعرف حرف ينور بيه قدامك

ضمى ولادك يا مصرده فجرك جاى مشقشق و زاهى و إن

كان عليا يا مصرأحلف بدمى و أبصملك لجل علاكى يا مصر

لبيع ضنايا و ولدى لجل علاكى لنزف روحى و دمى لجل علاكى

أثور و أعدى بحورو لو كان الثمن عمرى أديهولك و بقلب

جسورده مش انا بس يا بلدى ده انا و معايا 75 مليون

كلنا ولادك و من صلبك و لو نروح كلنا مش مهم

المهم إن إنتى تبقى المهم إن إنتى تبقى