عشان انت مصرى...
لازم تعانى وتفقد كـــرامتـك بكل المعانى
وتحرق فى دمك سنين مش ثوانى واوعى
تصدق كلام الأغانى بتاع الحضارةوكانى
ومانى ده كله هجـــــــايص مايدخل ودانى
عشان انت مصرى
العذاب بيناديك بتبدأ فى يومــــك حاجات
بترازيك فى نومـــــــــك فى قومك تعكنن
عليك تضايقك ولسه العماص فى عينيك
مافيش مية تشــــــــطف صابونة فى إيديك
وجسمك ملـــــــــزق وريحتك عاديك فتلبس
وتنزل وفيك اللى فيك ورايـــــــــح لشــغلك
حتحتاج مواصــــــلــــة أدى المترو واقـــف
وكهربته فاصــــــــــــــــلة وفى الميكروباص
خناقة وحاصلة أوتوبيس فرامله عايزالها
وصلةوتوك توك ده تايه ومحتاج لبوصلة
بتوصل لشغلك بدم اتحرق فى زحمة
وكتمة وحر وعرق رئيسك سايبلك كومة
ورق ده غير دمغة ضايعة وملف اتسرق
وفيه كام مواطن عامللك قلــــــــق بيشكى
تقول له روح اندعق وعركة وهوجــــــة
وشاى اندلق ومخك خلاص م الصـــــداع
اتفلق هترجع لبيتك ده لو كـــــــــان فى بيت
هتوصل هتندم ياريتك ماجيت مــــــــــراتك
بتصرخ خلاص استويت عيـــــــــــــالك بتطلب
وهات كيت وكيت تزعق تِهاتى يانـــــــــــــاس
اتهري تولا حد سامعك مهمــــــــــــــا هاتيت
عشان انت مصرى
وده للاسف ف لازم تقاسى تعيش تتقرف وكل
الأساسى فى حياتك ترف ف تنسى الكرامة
وتنسى الشرف وتسرق وتنصب أو تنحرَف
ودمعك بيجرى وجرحــــــــــــــــــــــك نزف
ليست هناك تعليقات:
إرسال تعليق