نفسى افرح بجد وعيونى تضحك من تانى ابتسامتها وحشانى
نفسى يادنيا ترجعينى للى انتى منهم واخدانى
نفسى القانى ونرجع انا و نفسى صحاب من تانى
نفسى يادنيا تصارحينى وبحنانك تدفينى وبالاحضان تاخدينى
نفسى ارجع احلم والامل يملانى
نفسى انسى كل اللى جرحنى وبكانى
نفسى اخد القرار ولو مرة صح بعيد عن الآمى واحزانى
نفسى ياقلبى تنسى جراحى وتنبض ولو مرة بافراحى
نفسى اقول هعمل وألقا نفسى عملت وألقا نفسى وصلت للى ليه
خططت وحلمت
***************************************************************************************
انا اتسألت السؤال ده كتير جدا
(نفسك فى ايه وبتحلمى بأيه) وكانت دايما اجابتى واحدة وهى انى بطلت احلم من سنين يمكن ده لانه احساسى فعلا
بس اخر مرة انا اكتفيت بأنى اسكت وفضلت انى مااردش وحسيت بنظرة حزن فى عيون اللى
بتسألنى
وقررت انى اتغير واقعد مع نفسى وافكر و ادور بجد اكيد انا نفسى فى حاجة حاجة تخصنى
وفى يوم
كنت قاعدة فى البلكون وكنت بفكر فى الحكاية دى و لقيت نفسى ماسكة موبايلى (اللى اشتكى منى) و كتبت الكلام ده
و تعرفواده فعلا اللى انا نفسى فيه و دلوقتى بدعى ربنا ليه
طب وانت نفسك فى ايه ؟
وياريت تكون حاجة تخص شخصك انت (لان كلنا اكيد نفسنا فى حاجات كتيرة لكل اللى حوالينا) وده لانى مقتنعة تماما لو ان الواحد ابتدى بنفسه ولقاها بجد اكيد هيقدر يتحدى اى صعوبات تواجهه لان مافيش اصعب من ضياع النفس
اسفة لو كنت طولت عليكم
(ياساتر هاف دوك دى رغاااااية موووووت مش بتبطل لوك لوك لوك وايد وايد)
هناك 6 تعليقات:
انتي قلبتي خليجي ليه في الاخر؟
حلوة دعوة التفاؤل والوقفة مع النفس دي
فعلا احيانا بيصيبنا الاحباط لدرجة اننا بنبطل نحلم
او بتاخدنا دوامة الحياة وبنبطل نشوف نفسنا محتاجين ايه
لازم كل واحد يقف مع نفسه شوية ويحدد اهدافه
انا نفسي اشوف كل اللي حواليا بيحبوا بعض
نفسي منجرحش من حد واعيش سعيدة طول العمر
نفسي امتى تعيش مرفوعه الراس مش زليلة ومكسورة
ياااااااااه نفسي في حاجات كتيره اوي
نيو اهلا بالقمر اللى منورنا
حبيبتى انا ماقلبتش خليجى ولا حاجة بس كان خطأ فى الكتابة وعدلته
وحلو اوى الحاجات اللى نفسك فيها ربنا يارب يحققلك كل اللى بتمنيه ويفرحك دايما
وكل سنة وانتى طيبة
اقول اية ولا اية
انا ممكن اسمى مدونتك
مدونة الاحلام
بوست جميل جدا
عارفة انا نفسى فى اية
نفسى ارضى عن نفسى
اسير الجراح
ومدونة فى منتهل جمال
ما اروووووووووووووووووووووعك
اسير الجراح
ميرسى ليكى جداااااا والحمد لله ان البوست عجبك
واجمل شئ هو انك ترضى عن نفسك يارب يحققلك كل اللى تمنناه
ومتشكرة جدا للمرور
غير معرف
ميرسى جداااااا بس كان نفسى تقولى بتتمنى ايه وبتحلم بأيه
على العموم ميرسى لمرورك
ونورت المدونة
إرسال تعليق