بحلــــــــــم ولا إيـــــــــه
بحلم ولا إيه الطير يطير فى العالى
و الحمام يرفرف منغير خوف
بحلم ولا إيه
كل واحد يلاقى مكان يتنفس
كل واحد يلقى مكان يتكلم
بحلم ولا إيه
الشمس تطلع و تسطع الشمس
تدفئ و تنور و تشعشع
بحلم ولا إيه
ألقى فى الطريق ناس صاحيه
و واعيه ناس تفكر و تفهم
ناس تحس بيكى يا بلدى بحلم
ولا إيه ناس تشيلك فوق كتافها
ناس تطلع بيكى فوق فوق السحاب ناس
تحطك جوه عينها و تبيع روحها عشانك
بحلم ولا إيه
جيل ورا جيل نشوف ناس بتشب
على حبك بتشب و فى شبتها إسمك
يا بلدى صلاه بحلم بحاجات كتير
بإن مفيش فرق بين الغفير و الوزير
بحلم بحاجات كتير مش بحلم بإختفاء
الظلم بس بحلم إن المظلوم يلقى سيف
رادع يرد له حقه و ينصره
بحلم ولا إيه
ببلد الحق فيها له ألف وجه و ألف صوت
يقول للظلم إنكسف و إنقشع بحلم بجيل يعليك يا بلدى
بجيل حطك فى مكانك
بجيل ميهموش الصعب
بجيل يعدى فى الحديد
يفوت فى النار و اللهيب
بحلم ولا إيه
بحلم و يريتك تحلم معايا و تحلم زيى ببكره
جاى فاتح إديه يمسح دمعة بلادى شافت
يا ما شافت يا ما ولسه صامده
بلدى شافت اللى ما شافته عين بلدى الكل بينهش فيها
و هى لسه واقفه و رافعه راسهاو بتدى ولادها بدل
الطاء طائين بحلم ولا إيه يلا نحلم يمكن لما نحلم
نفوق نصحى و نعمل و نوصل
بحلم ولا إيه
ده الحلم حاجه محدش يقدر يأخدهامحدش يقدر يسرقها
محدش يقدر يقرب من حلمى زى محدش يقدر يقرب
من وطنى جواياده الحلم حياه و الحلم يا بلدى هو
آخر طوق نجاه آخر طوق نجاه امسكى فيه و
اتشعلقى ده هو طوق النجاه بعد ما المركب فر و
ولى امسكى فيه و أكيد حنوصل
حنوصل لبر الأمان حنوصل لبر السلام يا بلدى
ليست هناك تعليقات:
إرسال تعليق